هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
مركز الاميرية التجريبى للتعلم عن بعد
تعليمى
مرحبا بكم في موقع الإدارة العامه لمركز الأميرية ألتجريبي إن تطوير التعليم و التدريب التقني و المهني في عصر المعرفة و المعلومات يقتضي تحسين و تطوير طرق و تقنيات التدريس و التدريب لتتوافق مع التطور الهام لتكنولوجيات المعلومات و الاتصال. حيث أن هذا التطور فتح لميدان التعليم و التدريب آفاقا جديدة و كبيرة من حيث الوسائل المتاحة والإمكانيات و التقنيات الجديدة المستعملة و المضامين التعليمية المتطورة والحديثة، لكن من ناحية أخرى، فان الاستغلال الصحيح لهذا التطور يضع ميدان التعليم و التدريب أمام العديد من التحديات والرهانات : كمية و نوعية و اقتصادية و إستراتيجية. فالناحية الكمية تتعلق بمواجهة الأعداد المتزايدة من الطلبة و المتدربين خاصة في الدول النامية. أما الناحية النوعية فتتمثل أساسا في كسب رهان الجودة
المواضيع الأخيرة
» عمليات الخراطة الإثنين يونيو 28, 2010 10:51 am من طرف مركز الاميرية التجريبى
» عمليات الثقب المختلفة الإثنين يونيو 28, 2010 10:42 am من طرف مركز الاميرية التجريبى
» القشط الإثنين يونيو 28, 2010 10:39 am من طرف مركز الاميرية التجريبى
» إدارة إعدادات النظام الإثنين يونيو 21, 2010 4:27 pm من طرف مركز الاميرية التجريبى
موضوع: عمليات الخراطة الإثنين يونيو 28, 2010 10:51 am
الخراطة
هذه الصورة تم اعادة تحجيمها . الحجم الافتراضي لها هو 745x518.
الخراطه هي عمليه القطع ف الاشكال الدورانيه او الاشكال الغير منتظمة المقطع عن طريق ازاله رايش.
قلم القطع بيقطع ازاي؟؟ في 3 حركات اسمهم (سرعه القطع v , التغذيه s , عمق القطع a ) نمسكهم واحده واحده
سرعه القطع : حركة اداه القطع بالنسبة للشغله او حركة الشغله بالنسبة لاداه القطع بمعنى الحركة اللي بيعملها اي حد وتكون حركة مستمرة وف اتجاه واحد هيا ده سرعه القطع يعني لو بصينا للمخرطه تلاقي ان الشغله علطول علطول بتدور ومبتبطلش دوران والدوران ده بيبقى ف اتجاه ثابت مش بيتغير هيا ده سرعه القطع
التغذيه: مقدار تقدم القلم بطول الشغله ف اللفه الواحده يعني القلم مثلا بتاع المخرطة لما بيخش على الشغله بيبدأ يقطع تمام اوي الحتة اللي هو واقف عندها ده اتقطعت عايز اطلع القلم قدام شوية عشان يقطع حتة تانيه اهي الحركة ده هيا ده التغذيه
عمق القطع : مقدار تغلغل القلم ف الشغله يعني انا لما تجيلي شغله مثلا قطرها 12 انا عايز اقلله ل 9 القيمه من 12 ل 9 هيا ده عمق القطع
طبعا اكيد عشان القلم يقطع لازم يكون في زوايا وظيفتها القطع وتسهيل خروج الرايش ومقاومة الاحتكاك
قلم القطع دايما بيصنعوه ماتيريال اسمها الصلب عالي الكربون وده هتاخدوه ف اولى ان شا الله اللي ربنا يكتب عليه يخش ميكا
اشمعنى بقى الصلب عالي الكربون؟؟؟؟ لان القلم لما بيقطع الشغله بتتكون قوى احتكاك عاليه جدا وبتولد حرارة رهيبه الصلب عالي الكربون صلد جدا وبيتحمل درجات الحرارة واستحاله يسيح من الحرارة
ممكن يصنعوه من حاجات تانيه غير الصلب عالي الكربون في ماتيريالز تانيه زي الصلب السبائكي والصلب عالي السرعات والكابيدات ذات الطبقه جاما وطبقه كربونيتريد وماتيريال تانيه مش عليكوا انكوا تعرفوها دلوقتي
طيب نرجع تاني للمخرطة
اجزاء المخرطة::
ناخد موجز مختصر كده عن الحاجات المهمه::
فرش المخرطة: عبارة عن الجسم اللي شايل المكونات التانيه للمخرطة زي الغراب المتحرك والثابت والعربه
الغراب الثابت: اللي هوا شمال المخرطه يحتوي على يد التحكم ف السرعات وفيه عمود الدوران الرئيسي للمخرطه ومكان تركيب الظرف
الغراب المتحرك: يستخدم لتثبيت الزنب التي تستخدم لتثبيت الشغلات وممكن برضوا استخدمه عشان اثبت بنط الثقب
هذه الصورة تم اعادة تحجيمها . الحجم الافتراضي لها هو 800x468.
الراسمه الكبرى: بتستخدم للتغذيه في حاله الشغلات الصغيرة
الراسمه الصغرى: كفايه انك تعرف انها ممكن تستخدم لعمل الخراطه المسلوبة
اعتقد ده الحاجات اللي مطلوب مننا ف اعدادي تعرفوها
انواع المخارط::
مخرطة رأسيه ومخرطة افقيه ومخرطة اتوماتيكيه CNC
انواع اقلام الخراطه::
قلم خراطه وجهي متني
قلم خرطاه عدله
قلم خراطه ركنيه
قلم خراطه القلاووظ
قلم خراطه تشكيليه
طرق تثبيت الشغله على المخرطة
الظرف الثنائي
الظرف الثلاثي
الظرف الرباعي
الصينيه
الظرف المغناطيسي
التثبيت بين زنبتين
هذه الصورة تم اعادة تحجيمها . الحجم الافتراضي لها هو 874x583.
اهم الاسئلة اللي ممكن تتسئلها
ايه الفرق بين الظرف والصينيه؟؟ اهم الفروق ان في الظرف طكل السنون بتتحرك مرة واحده مع بعض لاكن ف الصينيه كل سنة بتقفل لوحدها برضوا بستخدم الظرف لتثبيت الاشكال المنتظمة اما الصينيه بستخدمها لتثبيت الاشكال غير المنتظمة